Изи корем сереш куткышуэ вераҥ ын. Тушто вич кутко еш, вашла полшен, пырля пашам ыштен илен. Икана ача-ава-влак чодыраш сонарыш тарваненыт. Йоча-шамычлан пӧрт деч торашке каяш огыл, кугурак икшыве-влаклан шольо-шӱжарыштым шекланаш кӱштеныт. Изи Кутко-шамыч тунамак уремыш модаш куржыныт. Кугурак-влак телефонышто жапым шукырак эртараш лиеш манын куаненыт. Тыге кас марте шинченыт. Пычкемышалтмеке веле, шольо-шӱжарышт нерген шарналтеныт. Уремыш куржын лектыныт – нигӧ уке. Мом ышташ? Кушто нуным кычалаш? Кычкырен-кычкырен, чодыра велыш тарваненыт. Ваштарешышт Коля кудалын толын.
– Коля тос, кутко тӱшкам ужын отыл?
– Ужынам. Нуно ача-авам вашлияш каена, маньыч. Шукерте огыл кугу тумо йымалне улыт ыле.
Румбалген. Ынде шкаланыштат лӱдыкшын чучын. Туге гынат кычкырен-кычкырен ончыко каеныт. Телефонышто кечыгут шинчымыштлан шкеныштым шке вурсеныт. Шӱлешт-шӱлешт, кугу тумо деке миен шуыныт. Шольо-шӱжарышт пычкемыш, урмыжмо йӱк деч лӱдыныт да лышташ йымаке шылын шинчыныт улмаш. Палыме йӱкым колмеке, куанен, шӱйышкышт кержалтыныт. Ача-авашт толмо деч изиш ончычрак веле мӧҥ гӧ миен шуыныт. Телефонышто шинчыше Кутко-шамыч тиде кечым ӱмыр мучко шарнен иленыт. Тылеч вара телефоным «чондымо» манаш тӱҥалыныт да тудым кӱлеш семын веле кучылтыныт.
Артём ИВАНОВ.
Йошкар-Ола, 24-ше номеран школ.
