«МЭТР» телеканалын журналистше Наталья Ямаевалан 2021 ий тӱвыргӧ лектышан лийын. Эн кугу сеҥымашыжлан «Авай дене пырля улына» проект дене «Многоликая Россия», «СМИротворец-2021» всероссийский конкурслаште кумшо верым налмыжым шотла. Республикысе конкурслаштат ятыр гана ойыртемалтын. Кугу лектышын секретше кушто?
– Шке пашамым йӧратем, тудым пален, лийжак манын ыштем. Кажне передачышке уло чонемым пыштем, – ойла Наталья.
Уста журналистын шонымашыже ятыр. Шушаш идалыкыште у проект-влакым илышыш шыҥдарынеже.
– Вес регионласе журналист-влак газетыште але телевиденийыште тыршыме дене веле огыт серлаге. Мутлан, икте коммерческий огыл огыл организацийым почеш. Весе YouTube-каналыште, Instagram соцкылыште блогым вӱда. Икманаш, йӧным мушо йӧрым кочкеш. Шонкалаш да вийым тергаш кумыл гына лийже! – ойла Н.Ямаева (снимкыште Аня ӱдыржӧ дене пырля).
