3 сентябрьыште Марий самырык театр В.Красовскийын пьесыж почеш шындыме «Пётр и Феврония» спектакль дене у тургымым почеш. 5 сентябрьыште йоча-влаклан «Сказки дядюшки Римуса» йомакым ончыктат. Спектакльым серызе, фольклорист Джоэль Харрисын кумдан палыме произведенийлаж почеш чоҥымо. Рывыж, Маска, Пире, Кролик, Ужава, Черепахе ден Пӧрткайык ӱдыр-рвезе-влакым йомак тӱняшке ӱжыт. Чоя Кролик чыланыштым ондалынеже. Тиде мо дене мучашлалтеш? Вашмутым спектакльыш толмеке муаш лиеш.
У тургымышто тыгак «Лаюкай агур», «Капитанская дочка», «Ик ялыште – кум сӱан» да моло спектакльым калык ончыко луктыт.
