13-22 июньышто мыланем Шуко профилян Руэм лицей-интернат пелен эртаралтше «Умка» лагерьыште лияш пиал шыргыжалын. Тушто республикысе тӱрлӧ район гыч шӱдӧ наре уста йоча шинчымашыжым келгемден. Мый биологий предмет дене кылдалтше «Амёба» отрядыште лийынам. Кажне кечын кечывал марте тунемынна. Вара тӱрлӧ оҥай мероприятийышке ушненна, тоштерлашке экскурсий дене коштынна. Шуко ум пален налынам. У йолташ-влакым муынам. Кочкашат тамлын пукшеныт. Мыланем тиде лагерьыште пеш келшен.
Иван ПОЛЯНИН.
У Торъял, Токтарсола.
