Озаҥ олаште регион-влак кокласе шанче-практике конференцийын да Россий Федерацийыште илыше калык-влакын йылмышт дене тунемше-шамычын лудмашыштын пытартыш йыжыҥышт эртаралтын. Конференцийыште марий, руш, татар, чуваш, одо, мордва, башкир филологий дене секций-влак пашам ыштеныт. Марий Элын чапшым Морко район Унчо школын тунемшыже Вик-тория Петрова да Марий Турек район Сардаял школ гыч Екатерина Кузнецова ден Эльвира Алексеева араленыт. Иктешлымеке рашемын: В.Петрова марий йылмым да литературым туныктышо Р.Н.Петрован вуйлатымыж почеш «Шовырым кудалтен модмаш» пашаж дене кокымшо верым сеҥен налын. Саламлена!
