Кужэҥер районысо школлаште тунемше-шамыч шахмат дене районын первенствыштыже уш-акылнам тергенна. Йӱледӱр школын чапшым ныл тунемше араленна: мый, Денис Виноградов, Виктория Сандакова да Денис Иванов. Таҥасымашлан мемнам М.Ю.Лоскутов ямдылен. Команде дене кумшо верым сеҥен налынна. Личный первенствыште Денис Виноградов ончыл верыш лектын. Денис Иванов кокымшо верым сеҥен налын. Мый сеҥыше-влак радамыш логалын омыл гынат, кумылем волен огыл. Вес гана эше сайынрак ямдылалташ тӱҥалам. Вет шахмат дене модмаш уш-акылым вияҥда.
Николай ЯКИМОВ.
Кужэҥер, Йӱледӱр.
