Морко район Кужер школышто Физкультур арня эртаралтын. Тунемше-влак ече дене ӱчашеныт, «Зарнице» модышышто вий-куатыштым тергеныт, физкультурым туныктышо Ю.Д.Николаев «Весела стартым» эртарен. Юрий Дмитриевичын тунемшыже-шамыч районышто, республикыште веле огыл, всероссийский таҥасымашлаштат ятыр сеҥымашыш шуыныт. Шукерте огыл Морко район Шлань ялыште эртаралтше ече дене таҥасымаште тунемшыже Даниил Филиппов кумшо верым налын.
Уста тренер 2-шо номеран Морко школышто, Октябрьский посёлкысо кыдалаш да школ-интернатыште пашам ыштен. Тунемшыже-влак Российысе специальный олимпиадыштат сеҥеныт.
2008 ийыште туныктышылан «Российын эн сай тренерже» почётан лӱмым пуэныт. Ю.Д.Николаев районышто физический культур дене туныктышо-влаклан ой-каҥаш дене полша, почмо уроклам эртара.
Э.ТЕРЕНТЬЕВА.
Снимкыште: Ю.Д.Николаев – тунемшыже-влак дене пырля.
