Увер

1-11 ше класслаште тунемше-влаклан Йошкар-Оласе йоча экологий да биологий рӱдер «Защитим лес!» республиканский конкурсым эртара. Кок таҥас: аншлаг да листвоко – лиеш. Паша-влакым 31 декабрь марте marecolcenter@mail.ru адрес дене электрон почтыш колтыман.

Российын тӱҥ санитар врачше Анна Попован кӱштымыж почеш 2022 ий 1 январь марте школлаште, йочасадлаште, ешартыш шинчымашым пуышо да спорт тӧнежлаште санитарно-эпидимолгический правил-влакым шуйымо, тӱшка мероприятий-влакым эртараш чарыме.

16 декабрь марте кажне кумылан йоча финанс шинчымашыжым Всероссийский онлайн-зачётышто терген кертеш. Ик шагат жапыште 30 йодышлан вашмутым пуыман. 20 да утларак йодышлан чын вашештышылан лӱман сертификатым пуат. Тылеч посна кажне участиклан, шинчымашыжым аклен, ой-каҥашым темлат.