Российыште маскам чодыран озажлан шотлат. Ятыр олан гербыштыже тудым ужаш лиеш. Эн оҥайже – Ярославль олан. Марий Эл Республикын гербыштыже – маска. «Кугу Какшан» кугыжаныш пӱртӱс заповедникын символжылан маскаиге шотлалтеш.
Заповедник пашаеҥ-влак йочасадыш коштшо ньога-влаклан «Маскаиге – заповедникын символжо» конкурсым ий еда эртарат. Тений таҥасымаште 200 паша аклалтын. Йошкар-Оласе 66-шо номеран «Рябинушка» йочасадын «Клубничка» группышкыжо коштшо Матвей Бастраковын пашаже сеҥышыш лектын. Марий Элыште илыше-влак тиде маскаигылан лӱмым шоненыт. Эн келшыше лӱмым – Кокшаням – Волжск ола гыч Светлана Батурина пуэн. Кокшаням снимкыште ужыда.
Л.ГРИГОРЬЕВА ямдылен.
Фотом Интернет гыч налме.
