23-30 июньышто Абхазий Республик Сухум олаште «Алтын Майдан» тӱвыра да сотемдарче проект радамыште калыкле тӱвыра тӱнямбал инклюзив фестиваль эртаралтын. Тушко ЙошкарОласе Бауман лицей пеленысе «Лира» йоча сымыктыш школын «Узоры» йоча образцовый ансамбльжын изирак ийготан вокал группыжо (снимкыште) ушнен — да I степенян лауреат лӱмым сеҥен налын. Шем теҥыз воктене эртаралтше мероприятий йоча-влаклан моткоч келшен. Нуно тӱрлӧ мастер-классыш, этно-касыш ушненыт, экскурсий дене коштыныт, уста коллектив-влак дене вашлийыныт.
Оля МАЙКОВА ямдылен.
Фотом ансамбльын архивше гыч налме.
