Мыйын лишыл йолташем-влак Артём, Тимур, Женя улыт. Нылытынат ик школышто тунемына. Женя вес классыш коштеш гынат, келшымашлан чарак огыл. Урок деч вара, каныш кечын жапым пырля эртарена. Футболла модына, пӱртӱсым шымлена. Икте-весе деке уналыкеш каяшат огына мондо. Чайым йӱаш икгай чукырым лӱмын налынна. Мутланен келшен, тудым пелен налына. Икте-весе дене чон почын кутырена, уроклан пырля ямдылалтына. Чын йолташ эҥертыш лийшаш. Тудлан кеч-момат ӱшанаш лиеш.
Артём ИВАНОВ.
Йошкар-Ола, 24-ше номеран школ.