Ме йолташ-влак да ача-ава-шамыч дене, тӱшкан погынен, тӱрлӧ вере кошташ йӧратена. Шочмо кундемнам куанен шымлена. Кушто гына лийын огынал?! Пытартыш жапыште Татарстан Республикыш кудалыштынна. Шукерте огыл Лаишево олаште верланыше «Камское море» пляжыш миенна. Ух, меат «теҥызыште» улына, куанже мыняр! Кугу вӱд, яндар юж, игече шокшо… Йолташ-влак пелен улыт. Юарлен-юарлен, вӱдыштӧ шер теммеш почаҥынна. Сочиште улмылак чучо. Каналтымеке, тамле сийым тӱшкан ямдыленна. Тиде кечым кужу жап шарнаш тӱҥалына.
Алина СУББОТИНА.
2-шо номеран Морко школ.
