Морко район Купсола школ пелен «Шонанпыл» лагерь шке пашажым тӱҥалын. Тушко тӱрлӧ ийготан 20 йоча коштеш. Воспитатель-шамыч кажне кечын оҥай мероприятийлам ямдылат. Ӱдыр-рвезе-влак тӱрлӧ викториныште уш-акылыштым тергат, спорт модышлаште капкылыштым шуарат. Мураш, кушташ, тӱрлӧ поделкым ышташат жап ситышын. Йоча-влаклан шочмо кундемын сылне верлажым ончал савырнаш утларак келша. Н.С.Мухин лӱмеш музейыш, ялысе клубыш экскурсий дене коштыт. Лагерьыште жапым пайдалын да веселан эртарат.
М.Э.МИХАЙЛОВА.
