Марий Элыште «Идалыкын ешыже» всероссийский конкурсын республикысе йыжыҥжым иктешленыт. Таҥасымашке 38 еш ушнен. «Шуко шочшан еш» таҥасыште Марий Турек район гыч Шуталевмыт (снимкыште) ойыртемалтыныт. Марышевмытым (Курыкмарий район) эн сай самырык еш семын палемденыт. Ракушинмыт (Юрино район) – эн сай ялысе еш. Александровмыт (Морко район) «Шӧртньӧ еш» таҥасыште сеҥышыш лектыныт. Каменщиковмыт (Кужэҥер район) «Йӱлам аралыше еш» номинацийыште ойыртемалтыныт. Нине еш-влак Всероссийский конкурсын пытартыш йыжыҥыштыже таҥасаш тӱҥалыт.
