Ме авам дене Москошко миенна. Тудо вич ий ончыч ик лабораторийыште биолог-лаборантлан тыршен. Кок ияшем годым чӱчкыдын паша верыштыже лийынам. Пипетке ден пробирке-влак дене модмем нерген авамын каласкалымыж гыч палем. Вич ий эртымеке, тиде лабораторийышке пурен ончалаш оҥайын чучын. Тылеч посна рӱдолан тӱрлӧ сылне верышкыже миен коштынна. Шуко фотом ыштенна. Снимкыште Йошкар площадь воктенысе ик паркыште улам.
Давид ТИМОФЕЕВ.
Волжск ола.
