Мо тыгае «Лӱдыкшыдымылык школ»? Тушто мом ыштат? Кужэҥер посёлкышто йоча-влаклан ешартыш шинчымашым пуышо рӱдерысе туризм да краеведений секцийыш коштшо ӱдыр-рвезе-влак нине йодыш-влаклан вашмутым «визытан» отметкылан палат. Вуйлатышышт – З.Н.Пайдыганова. Нуно «Лӱдыкшыдымылык школ» («Самырык утарыше») республикысе таҥасымашке ушненыт. Утарыше да пожарный лийын онченыт: икымше полышым пуэныт, тулым ылыжтен да писын йєртен моштымыштым тергеныт, укшла гыч носилкам тодыныт да моло вере таҥасеныт. Кугурак да изирак ийготан йоча-влак шке тӱшкаштышт сеҥышыш лектыныт.
