1-ше номеран Морко кыдалаш школышто 4-ше «А» классыште тунемше-влак терроризм ваштареш кучедалмаште икоян улмо кечын, 3 сентябрьыште, «Илыш чӱчалтыш» всероссийский акцийыш ушненна. Тудо Бесланыште лийше трагический событийым шарныме лӱмеш эртаралтын. Акцийын символжылан вӱд шотлалтеш. Вӱд чӱчалтыш-влакын пеледышыш велалтмышт шарнымашым, чаманымашым ончыкта. Тек тӱнямбалне тыгай шучко сӱрет нигунам ок лий, да ме, йоча-шамыч, тыныслыклан куанен илаш тӱҥалына манын чот ӱшанена.
Софья НИКИТИНА.
Фотом школ архив гыч налме.
