Марий Элын самырык футболистше-влак мини-футбол (футзал) дене школ команде-влак коклаште Всероссийский таҥасымашыште вий-куатыштым тергеныт. Спорт мероприятий, «Мини-футбол – в школу» российысе проект дене келшышын, 4-9 февральыште Угарман кундемысе Городецкий районышто эртаралтын. Марий Элын чапшым Звенигово район 1-ше номеран Красногорский школышто тунемше рвезе-влакын кок командышт, Йошкар-Оласе 17-ше номеран да Килемар школ-влакын ӱдыр-шамыч командышт араленыт.
