Месяц: Июль 2022

Иймаш дене кеҥежымсе спартакиаде Саранскыште эртаралтын. Таҥасымашке Российын 57 регионжо гыч 392 спортсмен ушнен. Марий Эл гыч Владимир Сандыков 200 метрыш иймаште 3-шо верыш лектын.

30 июльышто Козьмодемьянск олаште «Бендериада» сатир да мыскара фестиваль эртаралтеш. Пайрем 9 шагатлан тӱҥалеш.

Кажне кумылан еҥ Йошкар-Олалан пӧлеклалтше почеламут конкурсыш ушнен кертеш. 8-32 корнан почеламутым рушла шоныман, okcentr2010@mail.ru адрес дене электрон почтыш 25 июль марте колтыман. Сеныше-влакым 1 августышто палемдат.

5-17 ияш йоча да самырык-влак, «Лесной пожарный наш герой, он с огнём вступает в бой» всероссийский сӱрет конкурсыш ушныза. Пашам 31 август марте колтыза. Тӱрыс уверым tuntuk.ru сайтыште ончыза.

Россий Президент В.В.Путин 2023 ийым Педагог ден наставникын идалыкше семын увертарен.