Шернур посёлкысо И.Н.Молотов лӱмеш йоча сымыктыш школын тунемшыже Юлия Лебедева Санкт-Петербургышто эртаралтше «Алые паруса» тӱнямбал конкурс-фестивальыште «Инструментальное исполнительство» таҥасыште 2-шо верыш лектын. Туныктышыжо – Л.Д.Журавлёва.
Автор: Лаврентьева Надежда
Пудий угыч талышнен!
Роспотребнадзорын Марий Эл Республикысе управленийжын увертарымыже почеш, пудий угыч талышнен. 43 еҥым пурлын. Нунын коклаште – шым йоча. Пӱртӱсыш лекмекыда шекланыза!
«Акпатыр» оперым кава йымалне ончыктат
28 августышто Э.Сапаев лӱмеш Марий кугыжаныш опер да балет академический театр Килемар районысо «Раздолье» турист комплексыште «Акпатыр» оперым кава йымалне ончыкта.
«Поэтический атлас» тўнямбал конкурс
Сылнымутлан шӱман ӱдыр-рвезе-влак, «Поэтический атлас» тӱнямбал конкурсыш ушныза. Йодмашым litmga@mail.ru адрес дене электрон почтыш 31 август марте колтыза. Тӱрыс уверым stihi.ru сайтыште ончыза.
«#яделаючистыйгород» всероссийский экологий конкурс
«#яделаючистыйгород» всероссийский экологий конкурсыш 7-17 ияш ӱдыр-рвезе-влакым ушнаш ӱжыт. Сӱретым сӱретлен, йомакым, почеламутым але шымлымаш пашам возен, 19 сентябрь марте workshop-recycle.ru сайтыште вераҥдыман.