Аламнер курыкыш йолташ-влак дене шукерте огыл миенна. Марлаже Орол курык маныт. Тудо Курыкмарий районышто верланен. Тушко кайымына годым Юл эҥер гоч паром дене икымше гана вонченам. Курык вуй гыч моткоч сӧрал вершӧр коеш. Юл эҥер кугу теҥызым ушештара. Кугурак ийготан еҥ-влакын акрет годсо жап нерген каласкалымыштым колышташ поснак оҥай ыле.
Владимир МУХИН.
Кужэҥер, Кугу Лаждӱр.
