М.Шкетан лӱмеш Марий национальный драме театрыште у тургым 1 октябрьыште «Югорно» эпос дене почылтеш. Калык ончыко ятыр у спектакльым лукташ палемденыт. Йоча-шамычлан «Колобок», «В некотором царстве» да моло йомак-шамычым темлат. […]
Увер-выр-вр
Икымше технопарк
Йошкар-Оласе Бауман лицейыште «Кванториум» икымше йоча технопарк пашам ышташ тӱҥалын. Тудым «Образование» национальный проектын «Современная школа» федерал проектше почеш келыштарыме. «Кванториум» талантан йоча-влакын усталыкыштым вияҥдаш, ончыкылык профессийым ойыраш, у проект-влакым […]
Конферансьем ойырат
Республикысе марий тӱвыра рӱдер 27 сентябрьыште «Конферансье концертных программ» республикысе смотр-конкурсым эртара. Йодмашым mari-centr_konkurs@mail.ru адрес дене электрон почтыш 20 сентябрь марте колтыман.
«Есенин кас»
2-3 октябрьыште Оршанке посёлкышто А.Падерова лӱмеш «Есенинские вечера» республикысе фестиваль-конкурс эртаралтеш. Тушко 14 ияш деч кугурак-влак ушнен кертыт. Йодмашым 25 сентябрь марте колтыман.
Эксперт лийын
Йошкар-Оласе Бауман лицейын тунемшыже Булат Юсупов «Большая перемена» всероссийский конкурсышто эксперт лийын. Тудо школым чоҥымо да олмыктымо годым у технологийым кучылташ темлен. Булат Озаҥ олаште эртаралтше полуфиналыш каяш ямдылалтеш.