Увер-выр-вр

Москосо Сеҥымаш тоштер кажне кумылан еҥым «Три танкиста» флешмобыш ушнаш ӱжеш. Муро гыч ужашым мурымым видеош войзыман да #МузейПобеды, #ФлешмобТриТанкиста, #ТриТанкиста хештегла дене «ВКонтакте» ден Instagram соцкыллаш вераҥдыман. 7 сентябрь марте victorymuseum.ru сайтышке йодмашым колтыман.

Таче Республикысе изосымыктыш тоштерыште «Со школой по жизни» сӱрет ончер почылтын. Тыште тунемше ден туныктышо-влакын пашаштым ужаш лиеш. Выставке 17 октябрь марте шуйна.

Медведево посёлкышто «Теремок» у йочасадым почыныт. Тушко 2-7 ияш 100 ӱдыр-рвезе кошташ тӱҥалеш.

Марий Турек район Тат-Китне школын тунемшыже Данил Габдуллин «Добровольцы – детям» X всероссийский акцийыш ушнен. Тудо поро кумылым ончыктышо «Челлендж «Три шага» проектше дене лидер-влак радамыш логалын.

М.Шкетан лӱмеш Марий национальный драме театрын артисткыже Светлана Сандаковалан «Марий Эл Республикын калык артистше» чаплӱмым пуэныт. Шокшын саламлена! Кугу кӱкшытыш шуаш тыланена!