Увер-выр-вр

Морко район Коркатово лицейын тунемшыже-влак Марий кугыжаныш университетын эртарыме «Сохраним первоцвет» республиканский конкурсышто сеҥышыш лектыныт: Настя Иванова – 1-ше вер; Сэда Смирнова, Анна Семёнова – 2-шо вер. Вуйлатышышт – В.М.Васильева. […]

«Демографий» нацпроектын «Спорт – норма жизни» федерал проектше почеш Марий Эл Республикысе Звенигово, Оршанке, Волжский, Параньга, Шернур районлаште да Волжск олаште хоккей дене модаш коробкам шогалтат.  

3-18 ияш ўдыр-рвезе-влакым «Разноцветные капли» всероссийский сўрет конкурсыш ушнаш ўжыт. Пашам 15 сентябрь марте колтыман. Тўрыс уверым vsekonkursy.ru сайтыште ончыза.  

Изи олаласе, ялласе да селаласе школлаште тунемше-влаклан Москосо физико-технологический институтын Заочный физико-технический школыштыжо дистанционно тунемаш йӧн пуалтеш. Школ директор уста тунемшыже нерген уверым 25 июнь марте колтышаш. 1 июль гыч […]

Российысе просвещений министерстве ден Москосо Сеҥымаш тоштер «Лучшая выставка школьных музеев» всероссийский конкурсым увертареныт. Йодмашым да презентацийым 30 сентябрь марте колтыман.