9-11 сентябрьыште «Шап» тазалыкым пеҥгыдемдыме комплексыште Марий Эл Республикысе школ лесничестве-влакын слётышт эртаралтын. Карина Горбунова, Полина Малинова, Иван Хайбрахманов да мый Марий Турек районын чапшым араленна. Кум кечаш пайдале слёт ик кече гай эртен каен. «Лесовосстановление», «Лесная таксация», «Защита леса», «Лесная охрана» направленийла дене мастер-класслаште шинчымашнам пойдаренна, видеоролик-влакым войзаш тунемынна. «Визитка муниципального школьного лесничества» конкурс эн оҥай лийын. Ме кокымшо верыш лектынна.
Нелли ГАБДУЛЛИНА.
Марий Турек школ
