Мый Ардаш школышто тунемам. Школна кок пачашан, волгыдо. Туныктышына-влак поро кумылан, умылышо улыт. Мыланна келге шинчымашым пуат. Ик эн пагалымыже – икымше класс вуйлатышем Надежда Демьяновна Игнаева. Тудо марий йылмым да литературым туныкта. Мемнам шочмо йылмым йӧраташ, келгын шонкалаш, кугуракым пагалаш, изиракым чаманаш, чын верч шогаш кумылаҥда. Марий сылнымут, ойпого дене палдара. Ме кажне урокыш куанен коштына. Туныктышынам моткоч пагалена.
Ксения АХМАДИШИНА.
Башкортостан, Мишкан.
