Звенигово йоча усталык рӱдерыште «Семейная Зарница» всероссийский модышын районысо этапше эртаралтын. Тушко пырля тунемме йолташна Павлик Марков, ача-аваже, 9-ше классыште тунемше Андрей изаже ушненыт. Модышышто историйым палымым тергеныт, кажне еш усталык койышыжым ончыктен, автоматым погаш да рончаш кӱлын. Павлик классыште автоматым эн писын пога. Таҥасымашыштат ончылно лийын. Марковмыт – чолга, чулым, усталык койыш дене ойыртемалтше еш. Нуно модышын кажне йыжыҥыштыже ончылно лийыныт да икымше верым сеҥен налыныт (снимкыште). Ме Павлик дене кугешнена да сеҥымаш дене саламлена.
6-шо «Б» классыште тунемше-влак.
Звенигово, Чакмарий.
Фотом школ архив гыч налме.
