3 июньышто шочмо Кугу Корамас школыштына «Чоткар тукым улына» республикысе краеведений лудмаш эртаралтын. Тушко мыят ушненам. Эн ончыч «Чоткар Патыр» тӱвыра да историй комплексышке экскурсий дене миенна. «Укрась землю Чоткара» акцийышке ушненна, пеледышым шынденна. Лудмашке ятыр участник погынен. Ныл секцийыште паша шолын. Тунемше-влак туныктышышт нерген пашам ямдыленыт. Аня шӱжарем йолташ ӱдыржӧ Мария Бирюкова дене «Уста педагог курымлан» шымлыме пашам марий йылмым да литературым туныктышто Г.Е.Ибраеван вуйлатымыж почеш возеныт. Анялан уверым погаш мыят полшенам. Нуно икымше туныктышем А.А.Семенова нерген каласкаленыт. Шымлыме пашашт дене кокымшо верыш лектыныт.
«Методике мастаргудо: профессионал деч – мастер-класс» секцийыште туныктышо-влак уроклаште оҥай йӧным кучылтмышт дене палдареныт. Икте кейс-технологий, весе модульный технологий нерген каласкаленыт. Вес секцийыште «Учителями славится Россия» почеламутым сылнын лудмо конкурс эртаралтын. Тыгак тӱвыра пашаеҥ-шамыч погыненыт. Нуно тӱвыра поянлык дене кылдалтше тӱрлӧ йодышым каҥашеныт. Икманаш, пайрем тӱвыргӧ лектышан да пайдале лийын.
Настя МИХАЙЛОВА.
Волжский район.
