Шочмо элым изинек йӧратен кушкына. Школышто патриотизмлан поснак кугу тӱткыш ойыралтеш. Кажне шочмын у тунемме арням тистым нӧлтымӧ гыч тӱҥалына. Флагын лойгалтмыж годым ме Российын гимнжым мурена. Тыгодым Шочмо эл верч кугешныме кумыл ылыжеш. Шинча ончылнына шӱмбел шочмо ялна, суртна, яндар вӱдан памаш, ер-влак, уста еҥ, элым аралыше-шамыч сӱретлалтыт. Кугешныме деч посна Российын эртыме корныжымат палышаш улына. Тидым ме историй да ИКН уроклаште келгын тунемына. Поян историян Российыште илымына дене моткоч кугешнена.
Алина СУББОТИНА.
2-шо номеран Морко школ.
