Чоялан чоя лектеш

Икана чот шужышо Рывыж ялышке кудалеш. Аҥыра чывым тыманмеш руалтен куча. Чон – каваште. Чодырашке куаныше шикшалтеш. Чодыра тўрысӧ пушеҥгыште шинчыше Киса тудым вашлиеш:

– Рывыж тос, тыгай куаныше кушко вашкет?

– Мый сонарзын чывыжым шолыштым. Ончо, могай коя. Витне, оза сайын пукша.

– Ой, молан тыгай осал пашам ыштенат?

– Вара мо лиеш?

– Осал паша сайыш ок шукто, тудо осалымак конда.

– А мый лўдмаш уке. Чоя улам, рожышто илем. Сонарзе кучен ок керт. Тудым садак ондалем.

Икмыняр жап гыч чодыра тўрыштӧ увер шарлыш: «Рывыж капканыш логалын». Арамлан огыл калык ойла: «Чоялан чоя лектеш».

 Юлия ИВАНОВА, Марианна КУШАКОВА.

Морко, Коркатово.