Илен улмаш Шоҥшо. Тудо кажне шыжым телылан лышташым поген да пыжашыжым пушкыдемден. Мераҥ, Шоҥшын пӧртшын кушто верланымыжым пален налмеке, ик кечын уналыкеш толын.
– Салам! Тыгай мотор пыжашым кузе ыштенат? Мыланемат тыгай кўлеш, – сӧрвален йодын Кужывылыш.
– Поро кече! Айда пырля ыштена.
Тыге нуно, Шоҥшын пӧртшӧ воктене рожым муын, пушкыдо тӧшакым ямдыленыт. Мераҥ тушко илаш пурен. Кок йолташ икте-весылан полышкалаш тўҥалын, ойго ден куаным пырля пайлен.
Вес кечын нунын дек Рывыж толын да чоян пелештен:
– Мыланемат тыгай рож кўлеш. Ышташ огыда полшо гын, мый тендам кочкам.
Мераҥ ден Шоҥшо лўдыныт да тунамак пашалан пижыныт. Рожышко кўйым оптеныт да лышташ дене леведыныт. Рывыж шуко шоныде малаш возын. Тупшылан пеҥгыдын чучын колтен. Ик могырышко возын, вес велышке савырнен – эшеат чот шуркален. Чытышыже ситен огыл, сырен да вес чодырашке кудалын. Почшо гына койын кодын. Тыге Мераҥ ден Шоҥшо чоя Рывыжым ондаленыт.
Дима ЕМЕЛЬЯНОВ.
Татарстан, Агрыз, Буймо.
