Тыге кугешнен ойла Йошкар-Олаште илыше Павел Антропов да Марий паркышке кажне гана йывыртен вашка. Тушто эр-кас калык ятыр. Икте-весым шукерт- сек ужын мутланыдыме-влак ты каныме верыште вашлийыт, ӱдыр-рвезе-шамыч марий сӱре тан лӱҥгалтышыште выче-выче мутланен шинчат, изиракышт йочалан келыштарыме кумды кышто шер теммеш модыт. Икма наш, кажныже шкалан келшыше верым муэш. А Павел Антропов пу скульптур-влак деке куржеш. Вет иктыжым кочаже, Шернур район Ондроп почиҥга гыч Вла димир Михайлович Антропов, пӱчкеден. Да эше могайым?! Эн моторым, ойыртемалтшым, «Ма рий калыкын легендыже-влак» фестивальыште икымше верыш лекше Чумбылатым.– Эргымлан кочаже – сай йолташ, ӱшанле эҥертыш да талешке. Тудым пеш йӧрата. Икте-весе коклаштышт кыл пеҥгыде, чыла вере пырля кош- тыт. Поснак мастерской ышто жапым кумылын эрта рат. Вет тушто пугомыля гыч тӱрлӧ янлык, патыр-влак «шочыт». Павел лишыл еҥже нерген йолташыже-ша мычланат кугешнен каласка ла, – ойла рвезын аваже Анна Владимировна. Яра жапым рвезе ялыште, Шернур район Ондроп почиҥ гаште, эртара. Пӱртӱсын по янлыкшым шекланен, тудын вийжым шижын кушкеш. Аваж дене пырля тӱрлӧ саскалан олы кыш лектыт, кундемнан сӧрал вержым шымлатОля МАЙКОВА. Иван Речкинын фотожо.
– Эргымлан кочаже – сай йолташ, ӱшанле эҥертыш да талешке. Тудым пеш йӧрата. Икте-весе коклаштышт кыл пеҥгыде, чыла вере пырля коштыт. Поснак мастерскойышто жапым кумылын эртарат. Вет тушто пугомыля гыч тӱрлӧ янлык, патыр-влак «шочыт». Павел лишыл еҥже нерген йолташыже-шамычланат кугешнен каласкала, – ойла рвезын аваже Анна Владимировна.
Яра жапым рвезе ялыште, Шернур район Ондроп почиҥгаште, эртара. Пӱртӱсын поянлыкшым шекланен, тудын вийжым шижын кушкеш. Аваж дене пырля тӱрлӧ саскалан олыкыш лектыт, кундемнан сӧрал вержым шымлат.
Оля МАЙКОВА.
Иван Речкинын фотожо.
