Сылне кеҥеж пеш поян. Чылам пукша, йӱкта, вийым погаш йӧным пуа. Калыкыште арам огыт ойло: «Кеҥеж кече идалыкым пукша». Чынжымак, мыняр шуко саска. Погаш веле ит ӧркане. Мыят эҥыжым погенам (снимкыште). А тудо тений тынар шуко шочын! Эҥыжыште тӱрлӧ витамин уло. Телым эм олмеш кучылташ лиеш. Кеҥеж мучко пайдалын канен, яндар вуй дене школыш каяш ямдылалтына. Адакшым кеҥежым мом пален налмына урокыштат кӱлеш лиеш.
Настя ПОЛИКАРПОВА.
Йошкар-Ола, 10-шо номеран школ.
Фотом еш архив гыч налме.
