Кеҥеж каникул годым Марий кундемын тӱрлӧ сылне верыштыже лийынам. Параньга район Олор ял чонемлан эн лишыл. Тушто йӧратыме коваем ила. Ужыда, могай сылне кундемыште ялна верланен? Снимкыште Аделина тукым шӱжарем да Даша шӱжарем дене пакча шеҥгелне улына. Ужар пӱртӱс лоҥгаште жапым эртараш пайдале да сай. Ме модына, а кайык-влак мурышт дене куандарат. Ух, шер теммешке канышым вет! Рюкзакеш «визытан» отметкым кондаш ямде улам.
Таня ЗЫКОВА.
Йошкар-Ола, 4-ше №-ан школ.
Кеҥеж, чевер кеҥеж, тый шокшо игечылан, тӱрлӧ тӱсан чиялан веле огыл, емыж-саскалан, пакчасаскалан поян улат! Сад-пакчашке лектын, тамле пушым шижын, мӧржымат, эҥыжшымат тамлен ончымо шуэш. Но нуно идалык мучко мемнам…
«Движение Первых» йоча толкынын школ пеленысе ушемын председательжын тӱҥ сомылжо – ӱдыр-рвезе-влаклан ой-каҥаш дене полшаш, нуным мер пашалан кумылаҥдаш, туныктышо-шамычлан тӱрлӧ мероприятийым эртарымаште эҥертыш лияш. Тудо чулым, йырже икшыве-влакым чумырен…
