Усола селаште Ушко ер уло. Ты ерын кунам шочмыжым кызытат огыт пале. Шоҥгыеҥ-шамыч Гульдян Асмаева ден Мурзагул Атнашевын ойлымышт почеш, ожно йырым-йыр чодыра кушкын, ер олмышто – еланкож. Мланде ошман, известка йӧршан лийын. Жап эртымеке, ял шарлен. Поташный заводым чоҥеныт да пушеҥгым руэныт. Известнякым луктыныт. Икана тале мардеж тӱҥалын. Коремысе шелше гыч вӱд памашла кум кече талын йоген. Корем вӱд дене темын. Пушеҥге-влак вӱд йымалан кодыныт. Листан пӱнчӧ вара кӱыш савырнен. Калык, вӱд йымач луктын, окна лондемым ыштен. А пундышыжо тугак кодын манын ойлат. Еланкож нерген кугезе кочам пален. Тудлан XIX курым мучаште илыше ачаже ойлен. Пушеҥгылан кӱыш савырнаш кумшӱдӧ ий кӱлеш. Тугеже ер XVI курым мучаште шочын, а ял эше ондакрак лийын?
Эрвика МИНЬКАЕВА.
Башкортостан, Шаран, Наратаст.
