Изи Какшан эҥер серыште спорт ориентирований дене Йошкар-Олан первенствыже эртаралтын. Ме, Матвей Семенов, Марк Павлов, Юля ден Рома Афанасьевмыт, Азиза ден Александра Зайцевамыт, Артем Пектубаев, Даша Харитонова да мый, Усола школын чапшым араленна. Шкаланна келшыше кужытым ойырен, тергыме пунктлам писын кычал муаш кӱлын. Моткоч тӱткӧ лияш тыршенна. Азиза кокымшо верым сеҥен налын. Юля ден Александра кокымшо да кумшо лийыныт. Ме капкылнам кажне кечын шуарена да эре ончылно лияш тыршена.
Ксюша ХАРИТОНОВА.
Параньга район.
