Мыланем «Светская этика» урок пеш келша. Тушто тӱрлӧ верыште шкем моторын, чаткан кучымо нерген мутланена. Икымше урокым моткоч сайын шарнен кодынам. Туныктышына йодо:
– Йоча-влак, таче этикет нерген мутланаш тӱҥалына. Тиде мо тыгай, паледа?
Мый ом пале, шып гына шинчем. Воктене шинчыше йолташем кидшым иканаште нӧлтале. «Тидыже мо пеш ушан?» – ӧрынат колтышым.
– Тыгайым авам Васька пырысемлан кевытыште налеш. Вес семынже тиде пырыс «кириешки», – чолган вашештыш.
Туныктышо шинчам пашкартыш. Уло класс рӱж воштыл колтыш. Лач йолташем воштылмынан амалжым умылен огеш керт.
Алина СУББОТИНА.
2-шо номеран Морко школ.
