Уремыште – шошо. Тимур, Дима, Трофим да моло йолташем-влак дене яндар южышто жапым эртараш пеш йӧратена. Лумышто шер теммеш почаҥына. Икана Тимур лум курык гыч тӧрштыш да кыдал марте пижын шинче. Ме мом ыштышашымат огына пале.
– Айста поче-поче шогалын, Тимурым реве семын шупшына, – темла Трофим.
– Икыт, кокыт, кумыт, – шотла Дима.
Иктаж кум-ныл гана шупшылмо деч вара вӱдлакыш волен шична. Ынде ача-ава деч логалеш, шонена. Мӧҥгӧ чылт ночко презе гай толын пурышым. Йӧра кеч авай ыш вурсо. «Эргым, шошо толмылан куанен йӱштылашат пурышыч аман?» – шыргыжале тудо.
Артём ИВАНОВ.
Йошкар-Ола, 24-ше №-ан школ.
