Морко район Шӱргыял школын ятыр выпускникше Украиныште эртаралтше спецоперацийыште лӱддымылыкым ончыкта. Нунын кокла гыч иктыже – Р.Г.Панин. Ме Руслан Геннадьевичым тале спортсмен, спорт мастер семын палена. Шукерте огыл школыштына тудын дене вашлиймаш эртаралтын. Герой мыланна Украина мландыште Шочмо элым аралымыж нерген каласкален. Спорт дене пеҥгыде кылым кучаш кӱлмӧ нерген ойлен.
Р.Г.Панин тале, патыр койыш-шоктышыж дене ойыртемалтеш. Лӱддымылыкым да геройлыкым ончыктымыжлан II степенян «За храбрость» медаль дене палемдалтын. Ме, Шӱргыял школын тунемшыже-влак, тале землякна дене кугешна.
Дмитрий ЕГОРОВ.
Фотом школ архив гыч налме.
