Сылне мутын вийже да сӧраллыкше Провой кундем Кужмара школышто тунемше Милана Садовниковалан (снимкыште) сеҥымашке шуаш полшеныт. Тудо Ачамландын историйыштыже кумдан палдырныше дате-влаклан пӧлеклалтше всероссийский эссе конкурсын финалышкыже лектын. Конкурс Москошто ВДНХ-ште Финансистын кечыжым палемдыме годым эртаралтын. Российын 52 регионжо гыч 2800 тунемше таҥасымашке ушнен. Финалыш 54 ӱдыр-рвезе лектын. Нуным Москошко ӱжыныт.
– Рӱдолаште лийме кок кече ятыр поро шижмашым пӧлеклен, – ойла Милана. – Мыланна шергакан пӧлекым кучыктеныт да ВДНХ-се павильонла мучко экскурсий дене коштынна.
Л.ГРИГОРЬЕВА ямдылен.
Марий Эл Республикысе Образований да науко министерствын фотожо.
