Ме Совет Ушем Герой М.В.Лебедев дене кугешнена. Школыштына тудын лӱмеш тоштер уло. Шукерте огыл тудым уэмденыт. М.В.Лебедевлан пӧлеклалтше Геройын кечыжым эртарышна. Квест- модыш годым тӱрлӧ станций еда коштна, уш-акылнам тергышна, шуко ум пален нална. Мемнан класс 1-ше верыш лекте. Шушаш ийын М.В.Лебедевын шочмыжлан 100 ий темеш. Садлан школыштына 2021 ийым Лебедевын идалыкше семын увертарышна.
Максим АКТУГАНОВ.
У Торъял, Немда.
