Морко мландын Кинер кундемже 17 самырык рвезым СВО-шко ужатен. Кок сарзе еҥ вуйым пыштен. Кузе тидым ешлан чыташ?!
Пургыж тылзын шымше кечынже Шӱргыял школышто Александр Васильевич Уразаев лӱмеш «Геройын партшым» почынна. Саша ты школым тунем пытарен. Кажне туныктышо тудын нерген лач порын гына шарналтен. Йолташыже-шамыч кугешнен ойленыт. Вашлиймаште ятыр уна, геройын аваже, родо-тукымжо лийыныт.
Геройын парт коклаштыже Шӱргыял школын эн чолга тунемшыже-влак шинчаш тӱҥалыт. Ме Геройым курымеш шарнена.
Е.В.ГРИГОРЬЕВА.
