Школыштына «Порылык арня» эртаралтеш. Ме, икте-весе дене таҥасен, арня мучко тӱрлӧ поро пашам ыштена. Тошто кагазым погена, библиотекыште книгам тӧрлена, кайыкым пукшена… Тыгак СВО-што улшо сарзе-влаклан полшаш тыршена. Кумылыштым нӧлталаш манын, серышым возена, сӱретым сӱретлена, почеламутым сылнын лудмым да мурым видеош войзен колтена. Мемнан поро пашана кугу сеҥымашым лишемдаш полша манын, моткоч ӱшанена. Тек мландымбалне тыныс илыш озалана!
Амелия КОШПАЕВА.
Шернур, Кукнур.
