15-17 майыште Угарман кундем Дзержинск олаште иймаш дене всероссийский таҥасымаш эртаралтын. Тушко изинек эмганен кушшо ӱдыр-рвезе-влак ушненыт. 31 регион гыч 9-15 ияш 200 спортсмен вийжым терген. Марий Элысе паралимпийский резерв спорт школын воспитанницыже Евгения Ермолина ты таҥасымаште кок шӧртньӧ медальым сеҥен налын. Тудо 50 метрым волный стиль дене да 100 метрым туп дене иймаште ойыртемалтын.
Фотом Марий Эл Республикысе Спорт да туризм министерствын сайтше гыч налме.
