Мый хип-хопым, уремысе куштымашым тунемаш «My studio» студийыш коштам. Группына «MatrYoshka kids new» маналтеш. Шукерте огыл Йошкар-Оласе Сеҥымашын XXX идалыкше лӱмеш тӱвыра полатыште «Рэп-территория» оласе фестиваль-конкурс эртаралтын. Тушко тӱрлӧ ансамбль, шкет куштышо ӱдыр-рвезе-влак ушненыт. Таҥасымаш чоным тургыжландарен: ме кугу сценыш икымше гана лектынна. Тыршымына арам лийын огыл. Икымше степенян лауреат лӱмым налынна. Вуйлатышына Диана Васильевна Авдеевалан тау.
Артём ИВАНОВ.
Йошкар-Ола, 24-ше номеран школ.
