Медведево район Руэм школышто Шанче да технологий фестиваль эртаралтын. Нылымше «Г» классыште тунемше-влак тушко рӱж ушненыт. Александр Рокин «Кумыж гыч арвер» шымлыме проектшым арален, а Матвей Смаилов «Иван-чай – юзо кушкыл» пашаж дене палдарен. Рвезе-влакым шымлыме пашалан мый, класс вуйлатышышт Светлана Вячеславовна, кумылаҥденам. Тӱҥалме пашашт ончыкыжымат куаным кондыжо да лектышан лийже.
С.СЕРГЕЕВА.
Снимкыште: С.Сергеева – тунемшыже-влак дене пырля.
Фотом школ архив гыч налме.
