10 ноябрьыште С.Г.Чавайн лӱмеш Национальный книгагудышто тунемме (грамотность) рӱдерым почмо. Тыгайже Марий Элыште – икымше. Рӱдерыште кажне кумылан еҥ шинчымашыжым яра келгемден кертеш. Руш йылмын историйже да ойыртемже-влак нерген пален налаш лиеш. Лингвистике нерген книга-влак темлалтыт. Тыгак руш йылме нерген йоча, шанче, тунемме литератур, справочник-влак улыт.
Ончыкыжым тыгай рӱдерым Волжск, Козьмодемьянск олалаште, Звенигово, У Торъял районлаште почыт.
