Школ ончылно Чап монумент уло. Тудым Кугу Ачамланде сарыште лийше землякна-влакым шарныме лӱмеш ыштыме. Самырык тукым шочмо кундемын историйжым, геройжо-влакым палышаш. Монумент дек корно нигунам ок петырне. Волонтёр-влак тудын йыр арулыкым эскерат. Телым лумым куат, шошым сылне пеледышым шындат, кеҥеж гоч вӱдым шават. Кугезе коча-кова-влаклан таум ыштат.
Ксения БУТЕНИНА.
Морко, Эҥерсола.
М.БУТЕНИНАН фотожо.
Кеҥеж канышем пайдалын эртаренам. Ты пагытыште ялыште паша шуко. Кертмем семын авам лан полышкаленам. Яра жапыште скрипке дене шоктенам, книгам лудынам. Мыланем Том Сойер нерген книга пеш келшен. Йошкар-Олашке кресавам…
Шыже – телылан ямдылалтме жап. Чыла пачасаскам поген налман, пӧртым шокшемдыман, пум ямдылыман. Ялысе еҥлан пу – тиде илыш: пӧртым ырыктет, мончаш олтет, кочкаш шолтет да молат. Меат еш дене…