Ме марий мурым йоҥгалтараш моткоч йӧратена. Йолташем-влак дене «Изи шӱдыр» ансамбльыш коштына. Шукерте огыл «Марий йоча улам» у мурына лектын. Тудын дене тӱрлӧ конкурсышто мастарлыкнам тергена. Йошкар-Олаште эртаралтше «Пятый элемент» тӱнямбал фестиваль-конкурсыш ушненна да сеҥышыш лектынна. Ӱдыр-шамыч дене моткоч йывыртенна.
Полина ТОЛСТОВА.
Звенигово, 2-шо номеран Красногорский школ.
