Иза-акана, кугурак йолташна-влак «Орлята России» программе почеш икмыняр ий пашам ыштат. Нуно волонтёр улыт, тӱрлӧ акцийыш ушнат, пӱртӱсым шымлат да ятыр вес сомылым шуктат. Ойыртемалтше чиемышт, значокышт торашке волгалтыт да «Орлята России» толкынын еҥже улмым кугешнен палдарат. Ынде мыйынат тыгай галстукем уло. Шукерте огыл йочасадыш коштшо кугурак ӱдыр-рвезевлакым «Орлята-дошколята» радамыш пуртеныт (снимкыште). Мый тидлан пеш йывыртенам. Шке примерем гоч изирак-влакым Шочмо элым йӧраташ, спорт дене кылым кучаш, пӱртӱсым аклаш кумылаҥдаш тӱҥалам. А Шинчымаш кечын ме нунылан пайремым эртаренна. Почеламутым лудынна, рӱж куштенна.
Ева СЕРОВА.
Звенигово, Кожласола, «Теремок» йочасад.
Фотом йочасадын архивше гыч налме.
